تعرف وين وصلنا، في كل خطوة
معانا مافيش اختفاء ولا مفاجأت متأخرة. كل مرحلة ليها وقتها، وما نتحركوش للخطوة اللي بعدها الا وانت معتمدها بنفسك.
نتعرفوا على المشروع
قعدة أو مكالمة، نسمعوا منك شن تدير ولمن.
نفهموا الاحتياج والهدف
شن اللي ناقص توا، وشن النتيجة اللي تبيها.
نقترحوا الحل المناسب
باقة واضحة بسعر ومدة مكتوبين، بلا مفاجآت.
نخططوا ونبدؤوا التنفيذ
جدول مراحل، وكل مرحلة ليها تاريخ.
نراجعوا معاك مرحلة بمرحلة
تشوف وتعتمد كل خطوة قبل ما نكملوا.
نسلموا ونطلقوا
نسلموك كل شي ونوروك كيف تستخدمه.
نتابعوا معاك بعد الإطلاق
اشتراك شهري يخلي كل شي شغال ويكبر.
مساحة خاصة لمشروعك
كل عميل عنده صفحته الخاصة على Notion نحدّثوها أول بأول. تقدر تفتحها من التلفون أو الكمبيوتر، وتلقى فيها:
- المرحلة الحالية
- شن انجزنا لحدت توا
- شن نحتاجوا منك وامتى
- كل الملفات والروابط
- الملاحظات
- الاعتمادات النهائية
قواعد الشغل
- جولتين تعديل لكل مرحلة
- مهلة رد 3 أيام عمل
- تعديل كبير بعد الاعتماد يتعامل كطلب جديد
خلينا نشوفوا وضعك الرقمي، مجاناً
نراجعوا حضور مشروعك ونبعتولك شن ناقص وشنو الأولوية. لو حبيت نكملوا مع بعض، عندك أساس واضح. ولو لا، خوذ الملاحظات واستعملها.
شن نراجعوا في التدقيق
- صفحاتك على السوشيال
- ظهورك في خرائط جوجل
- واتساب والردود
- كيف توصلك الطلبات والحجوزات