نبنوا حضورك الرقمي بطريقة تليق بمشروعك وتناسب ميزانيتك
استوديو صغير في طرابلس. نرتبولك شغلك وكيف يوصلك الزبون ويطلب ويدفع، وبعدها نبنولك الشكل اللي يليق بيك.
شن نديرولك، وبأي ترتيب!
أول شيء
قبل أي تصميم: الزبون لازم يلقاك، يسأل ويلقى رد، ويطلب ويدفع بلا لف.
بعدها
لما الأساس يكون مرتب، نبنولك شكل ثابت ومكان رسمي على النت.
لما تكون جاهز تكبر
تصوير ومنشورات وإعلانات، لما يكون عندك شيء تبي الناس تشوفه وتقدر تستقبل زبائن أكثر.
نبداو بالمطاعم والعيادات والمتاجر
الأسعار مكتوبة قبل ما نبداو
1,050 د.ل
الباقات تبدا من 1,050 د.ل. تعرف شن تاخذ وبقداش وامتى، من أول يوم.
الطلبات، قبل وبعد
هذا اللي يصير في أغلب المحلات توا، وهذا اللي نحن حنحلوه لك.
توا
مثال!أربع أماكن، موظف او اكثر وطلب ضايع بيناتهم
ماسنجر · من 3 ساعات
السلام عليكم، بقداش البيتزا الكبيرة يا غالي؟
مكالمة فائتة · من ساعتين
مرتين
واتساب · من ساعة
نبي نفس الطلب اللي طلبته امس، بس من غير بصل
إنستغرام · امس
توصلوا لقرقارش؟
معانا
مثالمكان واحد، وطلب واضح
طلب جديد#24
- الاسم
- أحمد
- الطلب
- 2 بيتزا كبيرة، من غير بصل
- التوصيل
- قرقارش
- المجموع
- 54 د.ل
وصلك على واتساب، وتأكد
مشروعك نعاملوه كأنه هايبارا. نديروا اللي يلزم بس، والباقي لبعدين. ومش ديما الأغلى هو الصح (؛
خلينا نشوفوا وضعك الرقمي، مجاناً
نراجعوا حضور مشروعك ونبعتولك شن ناقص وشنو الأولوية. لو حبيت نكملوا مع بعض، عندك أساس واضح. ولو لا، خوذ الملاحظات واستعملها.
شن نراجعوا في التدقيق
- صفحاتك على السوشيال
- ظهورك في خرائط جوجل
- واتساب والردود
- كيف توصلك الطلبات والحجوزات