نبني للمشروع نظام يشتغل، مش بس شكل
شفنا مشاريع واجده عندها لوقو حلو وصفحة مرتبة، وبعدها الطلبات تريح في الماسنجر، والزبون يسأل على السعر ثلاث مرات وما يلقاش رد. الشكل بروحه ما يكفيش.
عشان هكي HYBARA تبدا من السؤال: كيف يوصلك الزبون، وكيف يطلب، وكيف يدفع؟ وبعدها نبنوا الهوية والموقع والمحتوى حول الجواب.
المؤسِّسة مبرمجة، وتنفّذ بنفسها البرمجة، الحجوزات، وربط الدفع. وللشغل المتخصص زي التصوير والتصميم نخدموا مع مصورين ومصممين مستقلين نعرفوهم ونثقوا في شغلهم.
شن اللي نؤمنوا بيه
الوضوح
السعر، الوقت، والمخرجات، كل شيء واضح ومكتوب من الاول.
الشغل الحقيقي
نتائج واقعية وشغل حقيقي.. مانحطوش ارقام وهمية او اعمال متنفذتش
الشراكة
مستمرين معاك حتى بعد الإطلاق.. نسلموك ونقعدوا في ظهرك مش نختفوا.
خلينا نشوفوا وضعك الرقمي، مجاناً
نراجعوا حضور مشروعك ونبعتولك شن ناقص وشنو الأولوية. لو حبيت نكملوا مع بعض، عندك أساس واضح. ولو لا، خوذ الملاحظات واستعملها.
شن نراجعوا في التدقيق
- صفحاتك على السوشيال
- ظهورك في خرائط جوجل
- واتساب والردود
- كيف توصلك الطلبات والحجوزات